തിരുവനന്തപുരം: കേരള സർവകലാശാല വിദൂരവിദ്യാഭ്യാസ വിഭാഗം ഒന്നാം സെമസ്​റ്റർ (2021 അഡ്മിഷൻ) ബി.എ സമ്പർക്ക ക്ലാസുകൾ (സോഷ്യോളജി ഒഴികെ) കാര്യവട്ടം, കൊല്ലം സെന്ററുകളിൽ ഇന്നും നാളെയും നടത്തും. വിവരങ്ങൾ വെബ്‌സൈ​റ്റിൽ. സോഷ്യോളജിയുടെ സമ്പർക്കക്ലാസുകളുടെ തീയതി പിന്നീട് അറിയിക്കും.

സെന്റർ ഫോർ അഡൽ​റ്റ് കണ്ടിന്യൂയിംഗ് എഡ്യൂക്കേഷൻ ആൻഡ് എക്സ്​റ്റൻഷൻ (സി.എ.സി.ഇ.ഇ.) കാഞ്ഞിരംകുളം ഗവ.കെ.എൻ.എം.ആർട്സ് ആൻഡ് സയൻസ് കോളേജിൽ ആരംഭിക്കുന്ന ആറു മാസകാലയളവുളള സർട്ടിഫിക്ക​റ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിലേക്ക് അപേക്ഷ ക്ഷണിച്ചു. അപേക്ഷാഫോം കോളേജിലെ കണ്ടിന്യൂയിംഗ് എഡ്യൂക്കേഷൻ ഓഫീസിൽ നിന്നും ലഭ്യമാണ്. യോഗ്യത: പ്ലസ്ടു. ക്ലാസുകൾ: ശനി, ഞായർ ദിവസങ്ങളിൽ രാവിലെ 10 മുതൽ വൈകിട്ട് 4 വരെ. മ​റ്റു കോഴ്സുകൾ പഠിക്കുന്നവർക്കും ജോലി ഉളളവർക്കും അപേക്ഷിക്കാം. അപേക്ഷ ഏപ്രിൽ 6ന് വൈകിട്ട് 4 വരെ സ്വീകരിക്കും.