കല്ലമ്പലം: പ്രശസ്ത കഥകളി നടൻ പദ്മഭൂഷൺ മടവൂർ വാസുദേവൻ നായരുടെ ഓർമക്കായി പള്ളിക്കലിൽ മ്യൂസിയം ഒരുങ്ങുന്നു. കഥകളി മ്യൂസിയം സ്ഥാപിക്കാനായി ആദ്യ ഗഡുവായി 10 ലക്ഷം രൂപ അനുവദിച്ചതായി അഡ്വ. വി. ജോയ് എം.എൽ.എ അറിയിച്ചു. കേരളത്തിലെ പ്രശസ്തനായ കഥകളി നടനായിരുന്നു മടവൂർ വാസുദേവൻ നായർ. പുരാണബോധം, മനോധർമ്മവിലാസം, പാത്രബോധം, അരങ്ങിലെ സൗന്ദര്യ സങ്കൽപ്പനം എന്നിവ മടവൂരിന്റെ വേഷങ്ങളെ മികച്ചതാക്കി.1967 മുതൽ 1977 വരെ കലാമണ്ഡലത്തിലെ തെക്കൻ കളരിയിൽ അദ്ധ്യാപകനായി സേവനമനുഷ്ഠിച്ചിരുന്നു. സാംസ്കാരിക പ്രവർത്തകരുടെയും നാട്ടുകാരുടെയും നിരന്തരമായ ആവശ്യത്തെ തുടർന്ന് എം.എൽ.എയുടെ ശ്രമഫലമായാണ് തുക അനുവദിച്ചത്.