നെയ്യാറ്റിൻകര: കെ.എസ്.ആർ.ടി.സി ബഡ്ജറ്റ് ടൂറിസം സെൽ സംഘടിപ്പിക്കുന്ന ആയിരം സുന്ദര യാത്രകൾക്ക് തുടക്കമായി. നെയ്യാറ്റിൻകര യൂണിറ്റിൽ നിന്ന് കാപ്പുകാട്, നെയ്യാർഡാം വഴി പൊന്മുടിയിലേക്കുള്ള യാത്ര മലയാളം മിഷൻ ഡയറക്ടർ മുരുകൻ കാട്ടാക്കട ഉദ്ഘാടനം ചെയ്തു. യാത്രാ സംഘാംഗങ്ങൾക്ക് കവി കണിക്കൊന്നപ്പൂക്കൾ സമ്മാനിച്ചു. ഉദ്ഘാടന യോഗത്തിൽ എ.ടി.ഒ.സുമേഷ് അദ്ധ്യക്ഷത വഹിച്ചു. ജനറൽ കൺട്രോളിംഗ് ഇൻസ്പെക്ടർ എസ്.അലക്സാണ്ടർ, ടൂറിസം സെൽ കോ-ഓർഡിനേറ്റർ എൻ.കെ.രഞ്ജിത്ത്, രതീഷ്, വൈ. യേശുദാസ്, മുഹമ്മദ് ഷൂജ, അനിൽ കാട്ടാക്കട, സുരേഷ് കുമാർ തുടങ്ങിയവർ പങ്കെടുത്തു. നെയ്യാറ്റിൻകരയിൽ നിന്ന് 10, 17 തീയതികളിൽ പൊന്മുടിയിലേക്കും, 16ന് മൺറോതുരുത്തിലേക്കും 9നും 24നും ആലപ്പുഴയിലേക്കും മേയ് 2, 15 തീയതികളിൽ വാഗമണിലേക്കും ടൂറിസം യാത്രകൾ ഉണ്ടായിരിക്കും. ബുക്കിംഗിനും വിശദവിവരങ്ങൾക്കും 9846067232 എന്ന നമ്പറിൽ ബന്ധപ്പെടേണ്ടതാണ്.