മുടപുരം: മുടപുരം ഗവ.യു.പി സ്കൂളിൽ സംഘടിപ്പിച്ച മികവുത്സവവും വാർഷികാഘോഷവും കിഴുവിലം ഗ്രാമ പഞ്ചായത്ത് പ്രസിഡന്റ് ആർ. മനോന്മണി ഉദ്‌ഘാടനം ചെയ്തു. എസ്.എം.സി ചെയർമാൻ ഡി. ബാബുരാജ് അദ്ധ്യക്ഷത വഹിച്ച സമ്മേളനത്തിന് ഹെഡ്മിസ്ട്രസ് കെ.എസ്. വിജയകുമാരി സ്വാഗതം പറഞ്ഞു. എസ്.എസ്.എൽ.സി പരീക്ഷക്ക് ഫുൾ എ പ്ലസ് നേടിയ പൂർവ വിദ്യാർത്ഥികൾക്ക് ഗ്രാമ പഞ്ചായത്ത് വൈസ് പ്രസിഡന്റ് അഡ്വ.ആർ. ശ്രീകണ്ഠൻ നായർ മൊമെന്റോയും മികച്ച വിജയം നേടിയ വിദ്യാർത്ഥികൾക്ക് ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ കവിത സന്തോഷ് എൻഡോവ്മെന്റുകളും വിതരണം ചെയ്തു. ഗ്രാമ പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ മാരായ വിനിത, സുലഭ, ഗ്രാമ പഞ്ചായത്ത് മെമ്പർമാരായ പി. പവനചന്ദ്രൻ, എസ്.വി. അനിലാൽ, എൻ. രഘു, എ.ഇ.ഓ വിജയകുമാരൻ നമ്പൂതിരി, എസ്.എം.സി എക്സിക്യൂട്ടീവ് അംഗം ബി.എസ്. സജിതൻ, എസ്. ആർ.ജി കൺവീനർ ഹിമ ആർ. നായർ എന്നിവർ സംസാരിച്ചു.