കോവളം: മത്സ്യതൊഴിലാളികളുടെ മണ്ണെണ്ണ പ്രതിസന്ധി പരിഹരിക്കണമെന്ന് കേന്ദ്ര സംസ്ഥാന ഗവൺമെന്റുകളോട് ജനതാ മത്സ്യതൊഴിലാളി സെന്റർ ജില്ലാ കമ്മിറ്റി ആവശ്യപ്പെട്ടു. ജില്ലാ പ്രസിഡന്റ് വൈ.പീറ്റർ പോളിന്റെ അദ്ധ്യക്ഷതയിൽ കൂടിയ യോഗത്തിൽ ഏപ്രിൽ 23-ന് കോവളത്തു വച്ച് ജനതാ മത്സ്യതൊഴിലാളി സെന്ററിന്റെ ജില്ലാ കൺവെൻഷൻ നടത്തുവാൻ തീരുമാനിച്ചു. കൺവെൻഷന്റെ നടത്തിപ്പിന് ഭാരവാഹികളായി തെന്നൂർകോണം ബാബു (രക്ഷാധികാരി) റെജി ജോയ് മയിലാടുംപറ (ചെയർമാൻ) ജെ. റോബർട്ട്,​ പുല്ലുവിള വിൻസെന്റ്, (വൈസ് ചെയർമാൻമാർ) എൽ. ജോയി പുല്ലവിള (ജനറൽ കൺവീനർ) ഒ. ഷാജഹാൻ, പനത്തുറ പ്രശാന്തൻ (കൺവീനർമാർ) എന്നിവരെ തിരഞ്ഞെടുത്തു.