 രണ്ട് വീടുകൾ പൂർണമായും തകർന്നു

തിരുവനന്തപുരം: കഴിഞ്ഞ ദിവസങ്ങളിലുണ്ടായ ശക്തമായ മഴയിൽ ജില്ലയിൽ 3.41 കോടിയുടെ കൃഷിനാശമുണ്ടായതായി കൃഷിവകുപ്പിന്റെ പ്രാഥമിക കണക്ക്.വിവിധ കൃഷിമേഖലകളിലായി 861 കർഷകരുടെ 50.3 ഹെക്ടറിലെ കൃഷി നശിച്ചെന്നും പ്രിൻസിപ്പൽ അഗ്രിക്കൾച്ചർ ഓഫീസർ കെ.എം.രാജു അറിയിച്ചു. വാഴ (41.01 ഹെക്ടർ)​,​ പച്ചക്കറി (8.2 ഹെക്ടർ)​,​ റബർ (0.91ഹെക്ടർ, നാളികേരം (0.01ഹെക്ടർ)​, വെറ്റില (0.04 ഹെക്ടർ)​ എന്നിങ്ങനെയാണ് വിളകളുടെ നാശനഷ്ടക്കണക്ക്.ശക്തമായ മഴയിലും കാറ്റിലും തിരുവനന്തപുരം,നെടുമങ്ങാട് താലൂക്കുകളിലായി രണ്ട് വീടുകൾ പൂർണമായും തകർന്നു.20 വീടുകൾ ഭാഗികമായി നശിച്ചു.നെടുമങ്ങാട്, തിരുവനന്തപുരം താലൂക്കുകളിൽ എട്ട് വീടുകളും കാട്ടാക്കട താലൂക്കിൽ മൂന്ന് വീടുകളും വർക്കല താലൂക്കിൽ ഒരു വീടും ഭാഗികമായി തകർന്നു.