തിരുവനന്തപുരം: സർവകലാശാലകളിൽ അസി. പ്രൊഫസർമാരായി നേരിട്ട് നിയമനം ലഭിക്കാൻ പി എച്ച്.ഡി നിർബന്ധം. യു.ജി.സി നിർദ്ദേശപ്രകാരം 2023 ജൂലായ് ഒന്നു മുതലുള്ള നിയമനങ്ങൾക്ക് പി എച്ച്.ഡി അടിസ്ഥാന യോഗ്യതയാക്കി സർക്കാർ ഉത്തരവിറക്കി.

സർവകലാശാലാ പഠന വകുപ്പുകളിലെയും അഫിലിയേ​റ്റഡ് കോളേജുകളിലെയും അസി. പ്രൊഫസർ നിയമനത്തിന് പി എച്ച്.ഡി നിർബന്ധമാക്കണമെന്ന് 2018ൽ തന്നെ യു.ജി.സി നിർദ്ദേശിച്ചിരുന്നതാണ്. ഇത് നടപ്പാക്കുന്നത് കൊവിഡ് സാഹചര്യത്തിൽ നീളുകയായിരുന്നു. ഇതുവരെ യു.ജി.സി നെ​റ്റ് പരീക്ഷ പാസായവർക്ക് അസി. പ്രൊഫസർ നിയമനത്തിന് അപേക്ഷിക്കാമായിരുന്നു. കോളേജുകളിലേക്കുള്ള അസി. പ്രൊഫസർ നിയമനം നടത്തുന്നത് പബ്ലിക് സർവീസ് കമ്മിഷനാണ്. യു.ജി.സി നെ​റ്റാണ് യോഗ്യത. ഇതിൽ സർക്കാർ മാറ്റം വരുത്തിയിട്ടില്ല.