നാഗർകോവിൽ: കന്യാകുമാരി ജില്ലയിലെ വിവിധ പൊലീസ് സ്റ്റേഷനുകളിൽ മൊബൈൽ ഫോണുകൾ നഷ്ടമായെന്ന് ലഭിച്ച പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ നാഗർകോവിൽ എസ്.പി ഓഫീസിലെ സൈബർ ക്രൈം വിഭാഗം കണ്ടെത്തിയ ഫോണുകൾ ഉടമകൾക്ക് കൈമാറി. ഇന്നലെ വൈകിട്ട് 4ന് കോട്ടാർ പൊലീസ് സ്റ്റേഷനിൽ നടന്ന ചടങ്ങിൽ ജില്ലാ പൊലീസ് മേധാവി ഹരി കിരൺ പ്രസാദ് 111 മൊബൈൽ ഫോണുകളാണ് ഉടമകൾക്ക് കൈമാറിയത്. ഇവയുടെ മൂല്യം 15 ലക്ഷം രൂപ വരുമെന്ന് അന്വേഷണത്തിന് നേതൃത്വം നൽകിയ ഉദ്യോഗസ്ഥൻ പറഞ്ഞു. ചടങ്ങിൽ ട്രെയിനിംഗ് എ.എസ്.പി വിവേകാനന്ദ ശുക്ലയും പങ്കെടുത്തു.