തിരുവനന്തപുരം: കേരള സർവകലാശാല സെപ്​റ്റംബറിൽ നടത്തിയ എം.ബി.എ 2020 സ്‌കീം (റഗുലർ - ഫുൾടൈം ഉൾപ്പെടെ യു.ഐ.എം./ ട്രാവൽ ആന്റ് ടൂറിസം) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 25 വരെ അപേക്ഷിക്കാം.

ഡിസംബറിൽ നടത്തിയ എട്ടാം സെമസ്​റ്റർ ബാച്ചിലർ ഒഫ് ഹോട്ടൽ മാനേജ്‌മെന്റ് ആന്റ് കാ​റ്ററിംഗ് ടെക്‌നോളജി (റെഗുലർ - 2017 അഡ്മിഷൻ, 2014 സ്‌കീം - സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 18 വരെ ഓൺലൈനായി അപേക്ഷിക്കാം.

സൈക്കോളജി വിഭാഗം നടത്തുന്ന പി.ജി. ഡിപ്ലോമ ഇൻ കൗൺസിലിംഗ് (ജറിയാട്രിക്സ്) സപ്ലിമെന്ററി പരീക്ഷയുടെ ടൈംടേബിൾ പ്രസിദ്ധീകരിച്ചു. വിവരങ്ങൾ വെബ്‌സൈ​റ്റിൽ.

കാര്യവട്ടം യൂണിവേഴ്സി​റ്റി കോളേജ് ഒഫ് എൻജിനിയറിംഗിലെ അഞ്ചാം സെമസ്​റ്റർ 2018 സ്‌കീം (റെഗുലർ, ഇംപ്രൂവ്‌മെന്റ്, സപ്ലിമെന്ററി), ഏപ്രിൽ 2022 പരീക്ഷയുടെ വിജ്ഞാപനം പ്രസിദ്ധീകരിച്ചു.

കേരള സർവകലാശാലയുടെ വിവിധ പഠനവകുപ്പുകളിലേക്ക് 2022 - 23 വർഷത്തെ പി.ജി, എം.ടെക്. കോഴ്സുകളിലേക്കുള്ള പ്രവേശന പരീക്ഷയ്ക്ക് 12 മുതൽ ഓൺലൈനായി അപേക്ഷിക്കാം. അവസാന തീയതി മേയ് 11. വിവരങ്ങൾ www.admissions.keralauniversity.ac.in വെബ്‌സൈ​റ്റിൽ.