നാഗർകോവിൽ: ചൂഴാൽ അടയ്ക്കാക്കുഴി അജിത് ഭവനിൽ അജിത്തിന്റെ മകൻ അഭിജിത്തി (26) നെ ഒരു കിലോ കഞ്ചാവുമായി പൊലീസ് പിടികൂടി. ഇന്നലെ ഉച്ചയ്ക്കാണ് സംഭവം. ജില്ലാ പൊലീസ് മേധാവി ഹരി കിരൺ പ്രസാദിന്റെ നേതൃത്വത്തിൽ എസ്.ഐ സനൽകുമാറിന്റെ പ്രത്യേക സംഘമാണ് പിടികൂടിയത്. കഞ്ചാവ് കൈമാറ്റം നടക്കുന്നതായി ലഭിച്ച രഹസ്യവിവരത്തെ തുടർന്ന് അടയ്ക്കാക്കുഴിയിൽ നടത്തിയ വാഹന പരിശോധനയിലാണ് പിടിയിലായത്.