ആറ്റിങ്ങൽ: കനത്ത കാറ്റിലും മഴയിലും മരം കടപുഴകി വീണ് രണ്ടു കാറുകൾക്ക് കേടുപാടുകൾ സംഭവിച്ചു. ആറ്റിങ്ങൽ ഡി.ഇ.ഒ ഓഫീസ് വളപ്പിൽ ഇന്നലെ ഉച്ചയ്ക് 12 ഓടെയായിരുന്നു സംഭവം. പാലോട് ഇടക്കോളനി സ്വദേശി മുനീർ,​ വാമനപുരം പുഷ്പകത്തിൽ ബിജു എന്നിവരുടെ കാറുകളാണ് തകർന്നത്. ഡി.ഇ.ഒ ഓഫീസിനകത്ത് പാർക്ക് ചെയ്തിരുന്ന കാറിന് മുകളിലേക്ക് സമീപത്ത് നിന്നിരുന്ന മരം പിഴുത് വീഴുകയായിരുന്നു. വിവരമറിഞ്ഞെത്തിയ ആറ്റിങ്ങൽ ഫയർഫോഴ്സ് ഗ്രേഡ് അസിസ്റ്റന്റ് സ്റ്റേഷൻ ഓഫീസർ രാജേന്ദ്രൻ നായരുടെ നേതൃത്വത്തിൽ ഫയർഓഫീസർമാരായ രാഗേഷ്,​ ഉണ്ണികൃഷ്ണൻ,​ വി.എസ്. ഷിജിമോൻ,​ അനിൽകുമാർ എന്നിവർ മരം മുറിച്ചു മാറ്റിയാണ് കാറുകൾ പുറത്തെടുത്തത്.