ചിറയിൻകീഴ്: കയർ തൊഴിലാളികളുടെ ജീവനാഡിയാണ് ട്രാവൻകൂർ കയർ തൊഴിലാളി യൂണിയനെന്ന് യൂണിയൻ സംസ്ഥാന പ്രസിഡന്റ് ആനത്തലവട്ടം ആനന്ദൻ പറഞ്ഞു. ട്രാവൻകൂർ കയർ തൊഴിലാളി യൂണിയന്റെ 2022ലെ മെമ്പർഷിപ്പ് വിതരണോദ്ഘാടനം ആനത്തലവട്ടം കയർ സംഘത്തിലെ തൊഴിലാളിയായ ഗിരിജയ്ക്ക് നൽകി സംസാരിക്കുകയായിരുന്നു അദ്ദേഹം. യൂണിയൻ ജില്ലാ പ്രസിഡന്റ് ആർ.സുഭാഷ് അദ്ധ്യക്ഷത വഹിച്ച ചടങ്ങിൽ യൂണിയൻ ജില്ലാട്രഷറർ അഞ്ചുതെങ്ങ് സുരേന്ദ്രൻ, സി.ഐ.ടി.യു ജില്ലാ കമ്മിറ്റിയംഗം വി.വിജയകുമാർ, യൂണിയൻ ജില്ലാ ഭാരവാഹികളായ പി. മണികണ്ഠൻ, ജി. വ്യാസൻ ,കെ. അനിരുദ്ധൻ, എസ്. പ്രകാശ്, ബി.എൻ.സൈജുരാജ്, വി. സുധീർ, ഗ്രാമപഞ്ചായത്ത് പ്രസിഡന്റ് പി.മുരളി, എം.വി കനകദാസ്, വി.സുഭാഷ്, ബി.സതീശൻ, കെ.മോഹനൻ, എസ്.അശോകൻ, സി.രവീന്ദ്രൻ, എം.ബിനു.അശോകൻ, സാംബൻ, സി.പി. സുലേഖ, ബിജു കൈപ്പള്ളി തുടങ്ങിയവർ പങ്കെടുത്തു.