കിളിമാനൂർ:എ.ഐ.ടി.യു.സി കിളിമാനൂർ മണ്ഡലം കമ്മിറ്റിയുടെ നേതൃത്വത്തിൽ വിലക്കയറ്റത്തിനെതിരെ പുതിയകാവ് പോസ്റ്റ് ഓഫീസിന് മുന്നിൽ ബഹുജന ധർണ നടത്തി.സപ്ലൈകോ വർക്കേഴ്സ് ഫെഡറേഷൻ ജില്ലാ സെക്രട്ടറി എം.മനോജ് അദ്ധ്യക്ഷത വഹിച്ചു.സി.പി.ഐ മണ്ഡലം സെക്രട്ടറി എ.എം റാഫി ഉദ്ഘാടനം ചെയ്തു.എസ്റ്റേറ്റ് വർക്കേഴ്സ് യൂണിയൻ ജില്ലാ കമ്മിറ്റി അംഗം എസ്.സുജിത്ത് സ്വാഗതവും എ.ഐ.ടി.യു.സി മണ്ഡലം സെക്രട്ടറി ടി.എം ഉദയകുമാർ നന്ദിയും പറഞ്ഞു. എ.ഐ.ടി.യു.സി മണ്ഡലം പ്രസിഡന്റ് ബി.എസ്. റെജി,രാധാകൃഷ്ണൻ ചെങ്കികുന്ന്, പുഷ്പരാജൻ,എസ്.ധനപാലൻ നായർ,രതി പ്രസാദ്,സജി ആർ.ആർ.വി എന്നിവർ സംസാരിച്ചു.