നെയ്യാറ്റിൻകര:യാത്രക്കാർക്കായി കെ.എസ്.ആർ.ടി.സി കുറഞ്ഞ ചെലവിൽ വിവിധ ജില്ലകളിലെ ടൂറിസ്റ്റ് കേന്ദ്രങ്ങളിലേക്ക് മദ്ധ്യവേനലവധി ടൂർ പാക്കേജുകൾ സംഘടിപ്പിക്കും. കെ.എസ്.ആർ.ടി.സി ബഡ്ജറ്റ് ടൂറിസം സെൽ ആണ് യാത്രകൾക്ക് നേതൃത്വം നൽകുന്നത്. 23, 30 തീയതികളിൽ എ.സി. ബസിൽ കൊച്ചിയിൽ എത്തി നെഫർറ്റിറ്റി ആഡംബര കപ്പൽ യാത്രയ്ക്ക് 3800 രൂപ ആണ് ആകെ ചെലവ്.മേയ് 1, 7 തീയതികളിൽ വനിതകൾക്ക് മാത്രമായും മേയ് 8 ന് പൊതുവായും പൊന്മുടി, കാപ്പുകാട്, നെയ്യാർ ഡാം, 2, 8,15 തീയതികളിൽ വാഗമൺ, പരുന്തുംപാറ, 13, 14 തീയതികളിലും 27, 28 തീയതികളിലും മൂന്നാറിലേക്ക് എ.സി. ബസ് യാത്ര, 22 ന് ആലപ്പുഴയിൽ വേഗ ബോട്ടിംഗ് , 8 ന് മൺറോതുരുത്ത് യാത്രയും സാമ്പ്രാണിക്കൊടി ബോട്ടിംഗും എന്നിവയാണ് നിലവിലുളള യാത്രാ പദ്ധതികൾ. റസിഡന്റ്സ് അസോസിയേഷനുകൾ , ഫാമിലി ഗ്രൂപ്പുകൾ എന്നിവർ കൂട്ടായി ആവശ്യപ്പെടുന്ന തീയതികളിൽ ട്രിപ്പുകൾ ക്രമീകരിക്കുമെന്ന് എ.ടി.ഒ മുഹമ്മദ് ബഷീർ അറിയിച്ചു.ജനറൽ സി.ഐ സതീഷ് കുമാറിന്റെ മേൽനോട്ടത്തിലുള്ള യൂണിറ്റ് ടൂറിസം സെൽ ഡിപ്പോയിൽ മുഴുവൻ സമയ എൻക്വയറി കൗണ്ടറും സജ്ജീകരിച്ചിട്ടുണ്ട്.യാത്രകൾ സംബന്ധമായ കൂടുതൽ വിവരങ്ങൾക്കും മുൻകൂർ ബുക്കിംഗിനും 9846067232 എന്ന നമ്പരിൽ ബന്ധപ്പെടാവുന്നതാണ്.