തിരുവനന്തപുരം: സാങ്കേതിക സർവകലാശാലയിൽ 2022 ജൂലായ്, 2023 ജനുവരി ബാച്ചുകളിലേക്ക് പിഎച്ച്.ഡി പ്രവേശനത്തിന് മേയ് പത്തുവരെ അപേക്ഷിക്കാം. അഫിലിയേ​റ്റഡ് കോളേജുകളിലെ അദ്ധ്യാപർക്കും സർവകലാശാല അംഗീകരിച്ച സ്ഥാപനങ്ങളിൽ ജോലി ചെയ്യുന്നവർക്കും പാർട്ട് ടൈം പിഎച്ച്.ഡിക്ക് അപേക്ഷിക്കാം. ഫുൾടൈം വിദ്യാർത്ഥികൾക്ക് മൂന്ന് വർഷത്തേക്ക് യൂണിവേഴ്സി​റ്റിയുടെ ഫെല്ലോഷിപ്പ് ലഭിക്കും.

പ്രവേശന പരീക്ഷയിൽ 45 ശതമാനം മാർക്ക് നേടുന്നവർക്കേ അഭിമുഖത്തിന് അർഹതയുള്ളൂ. രണ്ടിലും കൂടി 50 ശതമാനം മാർക്ക് നേടുന്നവരെ പരിഗണിക്കും. അപേക്ഷ ഫീസ് 1100 രൂപ. എസ്.സി, എസ്.ടി വിഭാഗക്കാർക്ക് 500 രൂപ. വിശദവിവരങ്ങൾ www.https://ktu.edu.in/ വെബ്സൈറ്രിൽ.