കിളിമാനൂർ: കിളിമാനൂർ ബി.ആർ.സിയുടെ നേതൃത്വത്തിൽ കൊവിഡ് കാലത്തും അദ്ധ്യാപക പരിശീലനത്തിന്റെ മുൻനിരയിൽ നിന്ന 34 അദ്ധ്യാപകരെ ആദരിക്കലും സമഗ്ര ശിക്ഷ കേരളയുടെ വിവിധ പ്രവർത്തനങ്ങളിൽ വിജയിച്ച 80 കുട്ടികൾക്ക് പുരസ്കാര വിതരണവും ശ്രേഷ്ഠം 22 എന്ന പേരിൽ പരിപാടിയും സംഘടിപ്പിച്ചു. ഉദ്ഘാടനം ഒ.എസ്. അംബിക എം.എൽ.എ നിർവഹിച്ചു. കിളിമാനൂർ ഗ്രാമപഞ്ചായത്ത് പ്രസിഡന്റ് ടി.ആർ. മനോജ് അദ്ധ്യക്ഷത വഹിച്ചു. സർവീസിൽ നിന്ന് വിരമിക്കുന്ന സമഗ്ര ശിക്ഷാ കേരളയുടെ ജില്ലാ പ്രോജക്ട് കോഓർഡിനേറ്റർ എൻ.രത്നകുമാറിന് ബി.ആർ.സിയുടെ സ്നേഹോപഹാരം നൽകി. സ്പെഷ്യലിസ്റ്റ് അദ്ധ്യാപിക സിന്ധു ദിവാകരൻ തയ്യാറാക്കിയ മെമ്മന്റോയും കൃഷി കോഓർഡിനേറ്റർ സ്മിതയുടെ നേതൃത്വത്തിൽ ബി.ആർ.സിയുടെ ജൈവപച്ചക്കറി കൃഷിയിൽ നിന്ന് വിളവെടുത്ത കാർഷികോല്പന്നങ്ങളും എം.എൽ.എയ്ക്ക് കൈമാറി.

ജില്ലാപഞ്ചായത്തംഗങ്ങളായ ടി.ബേബി സുധ, ജി.ജി. ഗിരികൃഷ്ണൻ എന്നിവർ അദ്ധ്യാപകർക്ക് പുരസ്കാരങ്ങൾ വിതരണം ചെയ്തു. കിളിമാനൂർ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കൊട്ടറ മോഹൻകുമാർ,ജില്ലാ പ്രോഗ്രാം ഓഫീസർ റെനി വർഗീസ്, ഉപജില്ലാ വിദ്യാഭ്യാസ ഓഫീസർ വി.എസ്. പ്രദീപ്,എച്ച്.എം ഫോറം സെക്രട്ടറി രാജേഷ് റാം, പ്രോഗ്രാം കോഓർഡിനേറ്റർ സനിൽ എന്നിവർ സംസാരിച്ചു. ബ്ലോക്ക് പ്രോജക്ട് കോ ഓർഡിനേറ്റർ വി.ആർ. സാബു സ്വാഗതവും സ്റ്റാഫ് സെക്രട്ടറി വൈശാഖ്.കെ.എസ് നന്ദിയും പറഞ്ഞു.