ബാലരാമപുരം: ആശ്വാസ് കെയറിന്റെ ആസ്ഥാന മന്ദിരം മംഗലത്തുകോണം കട്ടച്ചൽക്കുഴിയിൽ മന്ത്രി വീണ ജോർജ്ജ് ഉദ്ഘാടനം ചെയ്തു. ആശ്വാസ് ലൈഫ് കെയർ ചെയർമാൻ വൈ.എസ്.ബിജു അദ്ധ്യക്ഷത വഹിച്ചു. ആശ്വാസ് ഡയറക്ടർ രജനീഷ് കുമാർ എസ്.എസ് റിപ്പോർട്ട് അവതരിപ്പിച്ചു. അഡ്വ. എം.വിൻസെന്റ് എം.എൽ.എ, ജില്ലാ പഞ്ചായത്ത് പ്രസിഡന്റ് ഡി.സുരേഷ് കുമാർ, അതിയന്നൂർ ബ്ലോക്ക് പഞ്ചായത്ത് പ്രസിഡന്റ് മൻമോഹൻ, വെങ്ങാനൂർ പഞ്ചായത്ത് പ്രസിഡന്റ് ശ്രീകുമാർ, ജില്ലാ പഞ്ചായത്തംഗങ്ങളായ ഭഗത് റൂഫസ്, അഡ്വ.വിനോദ് കോട്ടുകാൽ, ബ്ലോക്ക് മെമ്പർ എസ്.ജയകുമാരി, വാർഡ് മെമ്പർമാരായ ബി.രാധാകൃഷ്ണൻ, ആർ.വി.രാജേഷ്, വി.ടി.ബീന, ബി.ജെ.പി ജില്ലാ ജനറൽ സെക്രട്ടറി സതീഷ് കുമാർ, സി.പി.എം കോവളം ഏരിയാ സെക്രട്ടറി പി.എസ്.ഹരികുമാർ, കോൺഗ്രസ് മണ്ഡലം പ്രസിഡന്റ് ഉച്ചക്കട സുരേഷ് എന്നിവർ സംസാരിച്ചു. ഫാർമസിസ്റ്റ് വെൽഫെയർ സൊസൈറ്റി പ്രസിഡന്റ് എം.എം.ഫൈസൽ സ്വാഗതവും ആശ്വാസ് ലൈഫ് കെയർ വൈസ് ചെയർമാൻ എം.വി.ജയദേവ് എന്നിവർ നന്ദിയും പറഞ്ഞു.