വെമ്പായം: ഇഫ്താറുകൾ മതമൈത്രിക്ക് മകുടോദാഹരണമെന്ന് മന്ത്രി ജി.ആർ. അനിൽ. വെമ്പായം പ്രസ് ക്ലബ് സംഘടിപ്പിച്ച ഇഫ്താർ സംഗമം ഉദ്ഘാടനം ചെയ്യുകയായിരുന്നു അദ്ദേഹം. കൊവിഡ് ഉൾപ്പെടെയുള്ള പ്രതിസന്ധി ഘട്ടങ്ങളിലെ പ്രസ് ക്ലബിന്റെ പ്രവർത്തനങ്ങൾ മാതൃകാപരമായിരുന്നെന്ന് മന്ത്രി പറഞ്ഞു. പ്രസ് ക്ലബ് പ്രസിഡന്റ്‌ പ്രേം ദത്ത് അദ്ധ്യക്ഷത വഹിച്ചു. കെ.ജെ.യു ജില്ലാ സെക്രട്ടറി ബിജു കൊപ്പം സ്വാഗതം പറഞ്ഞു. ഡി.കെ. മുരളി എം.എൽ.എ, മാണിക്കൽ ഗ്രാമ പഞ്ചായത്ത് പ്രസിഡന്റ്‌ കുതിരകുളം ജയൻ,നെല്ലനാട് ഗ്രാമ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ അഡ്വ.സുധീർ,വെമ്പായം ഗ്രാമ പഞ്ചായത്ത് വൈസ് പ്രസിഡന്റ്‌ ജഗനാഥ പിള്ള,കെ.ജെ.യു ജില്ലാ പ്രസിഡന്റ്‌ മണിവസന്തം ശ്രീകുമാർ,സി.പി.എം വെഞ്ഞാറമൂട് ഏരിയ സെക്രട്ടറി ഇ.എ.സലിം,ബി.ജെ.പി ജില്ലാ സെക്രട്ടറി ബാലമുരളി,വെമ്പായം ജമാഅത് സെക്രട്ടറി നിസാർ,സി.പി.എം മാണിക്കൽ ലോക്കൽ കമ്മിറ്റി സെക്രട്ടറി അഡ്വ.ആർ. അനിൽ,പള്ളിക്കൽ നസീർ,റിട്ട:എ.ഡി.എം.മുസ്തഫ,ലൂർദ് മൗണ്ട് മാനേജർ ബ്രദർ ജൈൽസ്,വെഞ്ഞാറമൂട് സി.ഐ ഷൈജു നാദ്,വാമനപുരം എക്സൈസ് റേഞ്ച് ഇൻസ്‌പെക്ടർ കെ.മോഹൻ കുമാർ,ജനമൈത്രി പൊലിസ് കോർഡിനേറ്റർ ഷരീർ വെഞ്ഞാറമൂട്,അഡ്വ:രാധാകൃഷ്ണൻ എന്നിവർ സംസാരിച്ചു.പ്രസ്സ് ക്ലബ് ജോയിന്റ് സെക്രട്ടറി സുഭാഷ് നന്ദി പറഞ്ഞു.