ആറ്റിങ്ങൽ: മുപ്പത്തിയൊന്ന് വർഷത്തെ അദ്ധ്യാപന സേവനത്തിനുശേഷം കിഴുവിലം ഗവ. യു.പി.എസിൽ നിന്നും ഹെഡ്മാസ്റ്ററായി വിരമിക്കുന്ന എസ്. സതീഷ് കുമാറിന് നാട്ടുകാരും സ്കൂൾ പി.ടി.എയും യാത്ര അയപ്പു നൽകി. എം.എൽ.എമാരായ വി. ശശി, ഒ.എസ്. അംബിക എന്നിവർ ഉപഹാരങ്ങൾ സമ്മാനിച്ചു. ജനപ്രതിനിധികളായ അഡ്വ. ഷൈലജാ ബീഗം, ആർ. മനോൻമണി, പി.സി. ജയശ്രീ, അഡ്വ. ആർ. മണികണ്ഠൻ നായർ, കവിത സന്തോഷ്, എസ്.സുലഭ, എസ്.വിനിത, ജി. ഗോപകുമാർ, അനീഷ്,ജി.ജി, ഉപജില്ലാ വിദ്യാഭ്യാസ ഓഫീസർ ഇ. വിജയകുമാരൻ നമ്പൂതിരി, ബി.പി.ഒ പി.സജി എന്നിവർ സംസാരിച്ചു.