തിരുവനന്തപുരം: ശവ്വാൽ മാസപ്പിറവി സംബന്ധിച്ച ഏകീകരിച്ച തീരുമാനമെടുക്കുന്നതിന് വിവിധ ജമാഅത്തുകളിലെ ഇമാമുമാരും മഹല്ല് ഭാരവാഹികളും തിരുവനന്തപുരം പാളയം ജുമാമസ്ജിദിൽ ഇന്ന് വൈകിട്ട് 6.30ന് യോഗം ചേരും. യോഗത്തിൽ ചെറിയ പെരുന്നാൾ സംബന്ധിച്ച സംയുക്ത പ്രസ്താവന പുറപ്പെടുവിക്കുമെന്ന് പാളയം ഇമാം ഡോ. വി.പി. സുഹൈബ് മൗലവി അറിയിച്ചു. ഇന്ന് അസ്തമയശേഷം മാസപ്പിറവി കാണുന്നവർ വിളിച്ചറിയിക്കേണ്ട ഫോൺ നമ്പരുകൾ: 0471-2475924, 9605561702, 9847142383.