മാന്നാർ: എസ്.എൻ.ഡി.പി യോഗം കുളഞ്ഞിക്കാരാഴ്മ 3711-ാം നമ്പർ ശാഖായോഗത്തിൽ ശ്രീനാരായണ കലോത്സവം സംഘടിപ്പിച്ചു. ശാഖായോഗം പ്രസിഡന്റ്‌ എം.ഉത്തമൻ ഉദ്ഘാടനം ചെയ്തു. 1479-ാം നമ്പർ ശാരദവിലാസം എസ്.എൻ.ഡി.പി വനിതാ സംഘം പ്രസിഡന്റ്‌ സുജാ സുരേഷ് അദ്ധ്യക്ഷത വഹിച്ചു. സെക്രട്ടറി രാധാകൃഷ്ണൻ പുല്ലാമഠത്തിൽ, വനിതാസംഘം സെക്രട്ടറി ലതാ ഉത്തമൻ, കുമാരി സംഘം സെക്രട്ടറി ആര്യശ്രീ എന്നിവർ സംസാരിച്ചു. ശാഖായോഗം വൈസ് പ്രസിഡന്റ്‌ വി.പ്രദീപ്‌ കുമാർ സ്വാഗതവും വനിതാസംഘം വൈസ് പ്രസിഡന്റ്‌ സുധാ വിവേക് നന്ദിയും പറഞ്ഞു. കലോത്സവത്തിൽ വിവിധ മത്സരവിഭാഗങ്ങളിലായി 25ൽ പരം കുട്ടികൾ പങ്കെടുത്തു.