മാന്നാർ: എസ്.എൻ.ഡി.പി യോഗത്തെ കോർപറേറ്റ് സ്ഥാപനവത്കരിക്കാൻ ശ്രമിക്കുന്ന ആട്ടിൻതോലണിഞ്ഞ ചെന്നായ്ക്കളെ ശ്രീനാരായണീയർ കരുതിയിരിക്കണമെന്ന് യോഗം വൈസ് പ്രസിഡന്റ് തുഷാർ വെള്ളാപ്പള്ളി പറഞ്ഞു. എസ്.എൻ.ഡി.പി യോഗം മാന്നാർ യൂണിയനിൽ സംഘടനാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മൈക്രോ ഫിനാൻസ് പദ്ധതിയെ വ്യവസായമാക്കി ലാഭം കൊയ്യാമെന്ന് കരുതിയവർ അത് നടക്കാതെ വന്നപ്പോഴാണ് യോഗത്തിനെ തകർക്കാനായി കേസുമായി നടക്കുന്നതെന്നും തുഷാർ പറഞ്ഞു.

യൂണിയൻ ചെയർമാൻ ഡോ.എം.പി.വിജയകുമാർ അദ്ധ്യക്ഷത വഹിച്ചു. സജീഷ് കോട്ടയം ആമുഖ പ്രസംഗം നടത്തി. യൂത്ത് മൂവ്മെന്റ് കേന്ദ്രസമിതി പ്രസിഡന്റ് സന്ദീപ് പച്ചയിൽ, സെക്രട്ടറി രാജേഷ് നെടുമങ്ങാട് എന്നിവർ മുഖ്യ സന്ദേശങ്ങൾ നൽകി. കേന്ദ്ര സമിതി ഭാരവാഹികളായ റെയിൻബോ മണിലാൽ, രഞ്ജിത്ത്, സതീഷ് കുട്ടനാട്, പന്തളം യൂണിയൻ പ്രസിഡന്റ് അഡ്വ.സുനിൽ മുണ്ടപ്പള്ളി, യൂണിയൻ നേതാക്കളായ നുന്നു പ്രകാശ്, ഹരിലാൽ ഉളുന്തി, ഹരി പാലമൂട്ടിൽ, പോഷക സംഘടനാ നേതാക്കളായ ശശികലാ രഘുനാഥ്, സുജാത , പുഷ്പാ ശശികുമാർ, രാജീവ് ഒരിപ്രം, അരുൺ കുമാർ, കിരൺ, സതീഷ് മുന്നേത്ത്, സുകു കാരാഞ്ചേരിൽ, ദേവീക സുരജ്, ഗോപിക തുടങ്ങിയവർ സംസാരിച്ചു. യൂണിയൻ കൺവീനർ ജയലാൽ എസ്.പടീത്തറ സ്വാഗതവും യൂണിയൻ അഡ്മിനിസ്ട്രേറ്റീവ് കമ്മിറ്റിയംഗം ദയകുമാർ ചെന്നിത്തല നന്ദിയും പറഞ്ഞു.

എസ്.എൻ.ഡി.പി യൂത്ത്മുവ്മെന്റ് ആലപ്പുഴ ജില്ലാ പ്രവർത്തക സംഗമം 'യോഗ ജ്വാല' വിജയിപ്പിക്കുന്നതിന്റെ ഭാഗമായി മാന്നാർ യൂണിയനിൽ നടന്ന പ്രവർത്തക സംഗമം എസ്.എൻ.ഡി.പി യോഗം വൈസ്പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യുന്നു