ചെങ്ങന്നൂർ: ഉന്നത വിദ്യാഭ്യാസ രംഗത്തെ കേരളത്തിന് അകത്തും പുറത്തും വിദേശത്തുമുള്ള വിവിധ തൊഴിലധിഷ്ഠിത കോഴ്സുകളെക്കുറിച്ചും വിവിധ വിദ്യാഭ്യാസ വായ്പകളുമായി ബന്ധപ്പെട്ട മാർഗനിർദ്ദേശങ്ങളുമായി എസ്.എൻ.ഡി.പി യോഗം ചെങ്ങന്നൂർ യൂത്ത്മൂവ്‌മെന്റ് യൂണിയൻ എട്ടിന് രാവിലെ 9.30 മുതൽ കരിയർ ഗൈഡൻസ് ക്ലാസ് നടത്തുന്നുചെങ്ങന്നൂർ വൈ.എം.സി.എ.യിൽ നടക്കുന്ന ക്ലാസ് ചെങ്ങന്നൂർ ബ്ലോക്ക് പഞ്ചായത്ത് പ്രസിഡന്റ് ജെബിൻ.പി.വർഗീസ് ഉദ്ഘാടനം ചെയ്യും. യൂണിയൻ കൺവീനർ അനിൽ.പി.ശ്രീരംഗം ഭദ്രദീപം കൊളുത്തും. യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. യൂണിയൻ വൈസ് ചെയർമാൻ രാഖേഷ് കോഴഞ്ചേരി, യൂണിയൻ അഡ്.കമ്മറ്റി അംഗങ്ങളായ കെ.ആർ.മോഹനൻ, ബി.ജയപ്രകാശ് തൊട്ടാവാടി, സരേഷ് വല്ലന, കെ.ആർ.മോഹനൻ കൊഴുവല്ലൂർ, എസ്.ദേവരാജൻ, അനിൽ കണ്ണാടി, യൂണിയൻ വനിതാസംഘം സെക്രട്ടറി റീന അനിൽ, യൂണിയൻ യൂത്ത്മൂവ്‌മെന്റ് പ്രസിഡന്റ് ദേവദാസ് വെൺമണി, വൈസ് പ്രസിഡന്റ് ഷോൺ മോഹൻ, യൂത്ത്മൂവ്‌മെന്റ് യൂണിയൻട്രഷറർ പ്രസീദ പ്രസാദ്, ധർമ്മസേനാ കോഡിനേറ്റർ വിജിൻ രാജ്, വൈദികയോഗം ചെയർമാൻ സൈജു പി.സോമൻ എന്നിവർ സംസാരിക്കും.യൂണിയൻ യൂത്ത്മൂവ്‌മെന്റ് ജോ.സെക്രട്ടറി കുമാരി അരുണിമ സ്വാഗതവും സെക്രട്ടറി രാഹുൽ രാജ് നന്ദിയും പറയും 10 മുതൽ ഗവ.ഒഫ് കേരള മൈനോറിട്ടി ഡിപ്പാർട്ട്‌മെന്റ് ട്രെയിനർ ആൻഡ് കൗൺസിലർ അജി.കെ.ജോർജ്ജ്, സൈക്കോളജി കൗൺസിലർ ജയപ്രകാശ് ഉണ്ണിത്താൻ എന്നിവർ ക്ലാസുകൾ നയിക്കും.