ചേർത്തല: ഭാരത് സ്‌കൗട്ട്‌സ് ആൻഡ് ഗൈഡ്‌സിന്റെ നേതൃത്വത്തിൽ പ്രവർത്തിക്കുന്ന കബ്- ബുൾബുൾ കുട്ടികൾ പാതിരാമണൽ ദ്വീപിൽ നിന്നും പ്ലാസ്റ്റിക് മാലിന്യങ്ങൾ ശേഖരിച്ചു. മുഹമ്മ സി.എം.എസ് എൽ.പി സ്‌കൂളിലെ കുട്ടികൾ പ്രകൃതി അറിയാൻ പരിപാടിയുടെ ഭാഗമായിട്ടാണ് ദ്വീപ് സന്ദർശിച്ചത്.
പരിപാടിയുടെ ഭാഗമായി മെറിറ്റ് ഡേയും സംഘടിപ്പിച്ചു. പരിസ്ഥിതി പ്രവർത്തകനും വന മിത്രാ പുരസ്‌കാര ജേതാവുമായ കെ.വി.ദയാലിന്റെ വീട്ടുവളപ്പിലായിരുന്നു മെറിറ്റ് ഡേ സംഘടിപ്പിച്ചത്. പഞ്ചായത്ത് വിദ്യാഭ്യാസ സ്ഥിരം സമിതി അദ്ധ്യക്ഷ പി.എൻ.നസീമ ഉദ്ഘാടനം ചെയ്തു.പി.ടി.എ പ്രസിഡന്റ് കെ.എസ്. ലാലിച്ചൻ അദ്ധ്യക്ഷനായി.ചേർത്തല സ്‌കൗട്ട് ഓഫീസ് ജില്ലാ സെക്രട്ടറി ആർ.ഹേമലത മുഖ്യസന്ദേശം നൽകി. പരിസ്ഥിതി പ്രവർത്തകൻ രാധാകൃഷ്ണൻ പ്രകൃതി സന്ദേശം നൽകി.ഡിസ്ട്രിക്ട് ട്രെയിനിംഗ് കമ്മീഷണർ ഭരതമ്മാൾ,പ്ലാനിംഗ് ഡി.സി അനിൽ ബി കൃഷ്ണ,ഓഫീസ് അസിസ്റ്റന്റ് സെൽജി,സ്‌കൂൾ സ്റ്റാഫ് സെക്രട്ടറി എം.വൈ. അന്നമ്മ,സാബു എന്നിവർ സംസാരിച്ചു.കബ് മാസ്റ്റർ മുഹമ്മദ് റാഫി സ്വാഗതവും ഫ്ലോക് ലീഡർ
വി.എ.ജിനുമോൾ നന്ദിയും പറഞ്ഞു.