ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയനിലെ 2801ാം നമ്പർ പെരിങ്ങാല നോർത്ത് ശാഖായോഗത്തിലെ പുതിയ ശ്രീനാരായണ ഗുരുമന്ദിരത്തിന്റെയും ശാഖാ ആസ്ഥാനമന്ദിരത്തിന്റെയും ശിലാസ്ഥാപനം ഇന്ന് രാവിലെ 10.30 ന് നടക്കും. യൂണിയൻ കൺവീനർ അനിൽ പി.ശ്രീരംഗം ശിലാസ്ഥാപനം നിർവ്വഹിക്കും. യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. യൂണിയൻ അഡ്.കമ്മിറ്റി അംഗങ്ങളായ ബി.ജയപ്രകാശ് തൊട്ടാവാടി, കെ.ആർ.മോഹനൻ, സുരേഷ് വല്ലന, കെ.ആർ.മോഹനൻ കൊഴുവല്ലൂർ, എസ്.ദേവരാജൻ, അനിൽ കണ്ണാടി, ശാഖാ വൈസ് പ്രസിഡന്റ് സുനിൽ വി.എസ് എന്നിവർ പ്രസംഗിക്കും. ശാഖാ പ്രസിഡന്റ് അരുൺ തമ്പി സ്വാഗതവും ശാഖാ സെക്രട്ടറി സുധാ വിജയൻ നന്ദിയും പറയും