ചേർത്തല: തെരുവുനായകളുടെ ആക്രമണത്തിൽ ഗർഭിണിയായ ആട് ചത്തു. പശുക്കിടാവിനും കടിയേ​റ്റു. കഞ്ഞിക്കുഴി പഞ്ചായത്ത് മൂന്നാം വാർഡ് ആശാലയത്തിൽ അശോകന്റെ ആടാണ് ചത്തത്. തൊഴുത്തിലുണ്ടായിരുന്ന പശുക്കിടാവിനും മ​റ്റൊരു ആടിനും നായകളുടെ കടിയേ​റ്റിട്ടുണ്ട്. തിങ്കളാഴ്ച രാത്രിയായിരുന്നു സംഭവം. ശബ്ദം കേട്ട് വീട്ടുകാർ നോക്കുമ്പോൾ നായകൾ കൂട്ടമായി ആടിനെ ആക്രമിക്കുകയായിരുന്നു. പ്രദേശത്ത് തെരുവുനായകളുടെ ശല്യം രൂക്ഷമാണ്. സന്ധ്യയായാൽ വീടിന് പുറത്തിറങ്ങാൻ പോലും കഴിയാത്ത സ്ഥിതിയാരെന്ന് നാട്ടുകാർ പറയുന്നു.