ചെങ്ങന്നൂർ: എസ്.എൻ.ഡി.പി യോഗത്തിൽ നാളെ നടക്കുന്ന യൂത്ത് മൂവ്‌മെന്റ് ജില്ലാ സമ്മേളനത്തിനു മുന്നോടിയായി യൂത്ത് മൂവ്‌മെന്റ് ചെങ്ങന്നൂർ യൂണിയന്റെ മുന്നൊരുക്കങ്ങൾ പൂർത്തിയായി. ഇതിന്റെ ഭാഗമായി യൂണിയനിലെ 46 ശാഖാതല യൂത്ത് മൂവ്‌മെന്റ് യൂണിറ്റുകളുകളുടെയും 9 മേഖലാതല യൂണിറ്റുകളുടെയും മീറ്റിംഗുകൾ പൂർത്തിയാക്കി. തുടർന്ന് നടന്ന യൂണിയൻ തലസംയുക്ത മീറ്റിംഗ് ചെങ്ങന്നൂർ യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്തു. യൂണിയൻ കൺവീനർ അനിൽ പി.ശ്രീരംഗം അദ്ധ്യക്ഷത വഹിച്ചു. യോഗത്തിൽ ജില്ലാ സമ്മേളനത്തിന്റെ മുന്നൊരുക്കങ്ങൾ ഏകോപിപ്പിക്കുന്നതിനായി യൂത്ത് മൂവ്‌മെന്റ് യൂണിയൻ വൈസ് പ്രസിഡന്റ് ഷോൺമോഹൻ ചെയർമാനായും യൂത്ത് മൂവ്മെന്റ് യൂണിയൻ കൗൺസിലർ വിഷ്ണുരാജ് വൈസ് ചെയർമാനായും രാഹുൽ രാജ് ജനറൽ കൺവീനറായും 70 അംഗ സംഘാടക സമിതിയെ തിരഞ്ഞെടുത്തു. യൂണിയനിൽ നിന്നും 1500 യൂത്ത് മൂവ്‌മെന്റ് പ്രവർത്തകർ പങ്കെടുക്കുമെന്ന് ജനറൽ കൺവീനർ രാഹുൽ രാജ് അറിയിച്ചു.