ഹരിപ്പാട്: എസ്.എൻ.ഡി. പി യോഗം ചേപ്പാട് യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസിലിംഗ് സെന്ററിന്റെ സഹകരണത്തോടെ നടത്തുന്ന വിവാഹ പൂർവ്വ പഠന ക്ലാസ്സിന്റെ 56-ാംമത് ബാച്ച് ഇന്നും നാളെയും നടക്കും. യൂണിയൻ സൗധത്തിൽ ഇന്ന് രാവിലെ 9ന് കായംകുളം ഡി.വൈ.എസ്. പി അലക്സ് ബേബി ഉദ്ഘാടനം ചെയ്യും. യൂണിയൻ പ്രസിഡന്റ്‌ എസ്.സലികുമാർ അദ്ധ്യക്ഷനാകും. പ്രോഗ്രാം കോ-ഓർഡിനേറ്റർ അഡ്വ.യു. ചന്ദ്രബാബു വിഷയം അവതരിപ്പിക്കും. കരീലകുളങ്ങര പൊലീസ് ഇൻസ്‌പെക്ടർ എം.സുധിലാൽ, യോഗം ഡയറക്ടയർമാരായ എം.കെ.ശ്രീനിവാസൻ, ഡി.ധർമ്മരാജൻ എന്നിവർ സംസാരിക്കും. യൂണിയൻ സെക്രട്ടറി എൻ. അശോകൻ സ്വാഗതവും വൈസ് പ്രസിഡന്റ്‌ ഡി.കാശിനാഥൻ നന്ദിയും പറയും.