കോലഞ്ചേരി: കൊച്ചി - ധനുഷ്കോടി ദേശീയപാത വടയമ്പാടിയിൽ എസ്.എൻ.ഡി.പി മന്ദിരത്തിനു സമീപം പൈപ്പ് പൊട്ടി തകർന്ന റോഡ് സേവാഭാരതി പ്രവർത്തകർ കോൺക്രീ​റ്റ് ചെയ്ത് സഞ്ചാര യോഗ്യമാക്കി. മാസങ്ങളായി തകർന്നുകിടന്ന റോഡിൽ നിരവധി അപകടങ്ങളുണ്ടാവുകയും ധാരാളം ആളുകൾക്ക് പരിക്കുപ​റ്റുകയും ചെയ്തിരുന്നു. ഇതിനെത്തുടർന്ന് പൊതുമരാമത്ത് വകുപ്പുമായും ദേശീയപാത അതോറി​റ്റിയുമായും ബന്ധപ്പെട്ടപ്പോൾ ജല അതോറി​റ്റിയാണ് നന്നാക്കേണ്ടതെന്ന മറുപടിയാണ് കിട്ടിയത്. ജല അതോറി​റ്റിയുമായി ബന്ധപ്പെട്ടപ്പോൾ അവർ കൈമലർത്തി. ഈ സാഹചര്യത്തിലാണ് സേവാഭാരതി പ്രവർത്തകർ ജോലി ഏ​റ്റെടുത്തത്. നാല്പതോളം വരുന്ന പ്രവർത്തകർ നാട്ടുകാരുടെ സഹായത്തോടെ, താറുമാറായിക്കിടന്ന ഭാഗം പൂർണമായും കോൺക്രീ​റ്റ് ചെയ്തു.

കഴിഞ്ഞദിവസം സ്‌കൂട്ടർ യാത്രികയ്ക്ക് ഇവിടെ കുഴിയിൽവീണ് ഗുരുതരമായി പരിക്കേ​റ്റിരുന്നു. കഴിഞ്ഞ എട്ടു മാസത്തിനിടയിൽ ഇരുപതോളം പേർക്ക് പരിക്കേ​റ്റു. അമ്പതിലധികം വാഹനങ്ങൾ അപകടത്തിൽപ്പെട്ടിട്ടുണ്ട്.