ആലുവ: അശോകപുരത്തെ സ്വകാര്യ ആശുപത്രിയിൽ മോഷണം നടത്തിയ സെക്യൂരിറ്റി ജീവനക്കാരൻ പൊലീസ് പിടിയിലായി. തിരുവനന്തപുരം പാങ്ങോട് മരുതമൺ കുളമാൻ കുഴി വീട്ടിൽ ജയചന്ദ്രൻ നായർ (62) നെയാണ് ആലുവ പൊലീസ് അറസ്റ്റ് ചെയ്തത്.

കഴിഞ്ഞ രണ്ടിന് കാർമൽ ആശുപത്രിയിലാണ് സംഭവം. കാഷ്വാലിറ്റിയുടെ മുൻവശം കസേരയിൽ വച്ചിരുന്ന രണ്ടരപ്പവൻ സ്വർണ്ണവും 14,500 രൂപയയും അടങ്ങിയ കവർ ഇയാൾ മോഷ്ടിക്കുകയായിരുന്നു. എസ്.എച്ച്.ഒ എൽ. അനിൽകുമാർ, എ.എസ്.ഐ ടി.എസ്. അരുൺ, സി.പി.ഒമാരായ മാഹിൻ ഷാ അബൂബക്കർ, എൻ.എ. മുഹമ്മദ് അമീർ, കെ.എം. മനോജ്, എച്ച്. ഹാരിസ് തുടങ്ങിയവരാണ് അന്വേഷണ സംഘത്തിൽ ഉണ്ടായിരുന്നത്.