കോലഞ്ചേരി: കടമ​റ്റം സെന്റ് ജോർജ് യാക്കോബായ പള്ളിയിൽ മോർ ഗീവർഗീസ് സഹദായുടെ ഓർമ്മപ്പെരുന്നാൾ 6, 7 തീയതികളിൽ നടക്കും. വികാരി ഫാ. പൗലോസ് പുതിയാമഠത്തിലിന്റെ മുഖ്യകാർമ്മികത്വത്തിൽ സഹവികാരി ഫാ. അജോ കുര്യാക്കോസ് ഓമ്പാളയിൽ പെരുന്നാളിന് കൊടിയേ​റ്റി. ആറിന് രാവിലെ 7.30ന് പ്രഭാത പ്രാർത്ഥനയ്ക്ക് ശേഷം 8.30ന് ഡോ. മാത്യൂസ് മോർ ഈവാനിയോസ് മെത്രാപോലീത്തായുടെ പ്രധാന കാർമ്മികത്വത്തിൽ മൂന്നിന്മേൽ കുർബാന നടക്കും.