കൊച്ചി: കലൂർ സ്റ്റേഡിയത്തിൽ പൂക്കാലമായി. ആയിരത്തോളം വൈവിദ്ധ്യങ്ങളിലുള്ള പൂക്കളുമായി കൊച്ചിൻ മെഗാ ഫ്‌ളവർ ഷോ ആൻഡ് അഗ്രി ഫെസ്റ്റിന് തുടക്കമായി. ഹൈബി ഈഡൻ എം.പിയും മിസ് കേരള ഫിറ്റ്നസ് ജിനി ഗോപാലും ചേർന്ന് ഉദ്‌ഘാടനം നിർവഹിച്ചു.

ബോൺസായ് ചെടികൾ, വിദേശ ജമന്തികൾ, സിൽവർ ഡസ്റ്റ്, ടോറാനിയം, ഫൈബർ ബാൾ തുടങ്ങിയ പൂക്കളുടെ വലിയ ശേഖരം ഇവിടെയുണ്ട്. വിവിധയിനം ഫലവൃക്ഷ തൈകൾ, ചെടികൾ, വിത്തുകൾ എന്നിവ മേളയിൽ ലഭിക്കും. ഇൻഡോർ, ഔട്ട് ഡോർ ചെടികളുടെ വിപുലമായ ശേഖരവും ഒരുക്കിയിട്ടുണ്ട്. പത്ത് ദിനങ്ങളിലും കലാപരിപാടികൾ ഉണ്ടാകും. അഞ്ച് വയസ് വരെയുള്ള കുട്ടികൾക്ക് പ്രവേശനം സൗജന്യമാണ്. മുതിർന്നവർക്ക് 60 രൂപയാണ് ടിക്കറ്റ് നിരക്ക്.