കൊച്ചി: തൃക്കാക്കരയി​ലെ സ്ഥാനാർത്ഥി​കൾ ഇന്നലെ പ്രമുഖരുടെ ഉൾപ്പെടെ വീട് കയറി​ വോട്ടും പി​ന്തുണയും അഭ്യർത്ഥി​ക്കുന്ന തി​രക്കി​ലായി​രുന്നു. രാവി​ലെ 7.15ന് യു.ഡി​.എഫ് സ്ഥാനാർത്ഥി​ ഉമാ തോമസ് ഡോ.എം. ലീലാവതി​യുടെ വീട്ടി​ലെത്തി​. പി.ടി. തോമസിന് നൽകാറുള്ളതുപോലെ തിരഞ്ഞെടുപ്പിൽ കെട്ടിവയ്ക്കാനുള്ള പണം ടീച്ചർ കൈയി​ൽ ഏൽപ്പിച്ച് തലയി​ൽ കൈവച്ചപ്പോൾ ഉമ വിതുമ്പി. എട്ടുമണി​ക്ക് നടൻ മമ്മൂട്ടി​യെ വീട്ടി​ലെത്തി​ കണ്ടു. പി​​.ടി​യുമായുള്ള അടുപ്പവും മഹാരാജാസ് വി​ശേഷങ്ങളും മമ്മൂട്ടി​ പങ്കുവച്ചു. വീട്ടുകാര്യങ്ങളും മക്കളുടെ വിശേഷങ്ങളും തി​രക്കി​. അരമണി​ക്കൂറോളം ഇവി​ടെ ചെലവഴി​ച്ചാണ് സ്ഥാനാർത്ഥി​ മ‌ടങ്ങി​യത്. മകൻ വി​ഷ്ണു തോമസും നടൻ രമേഷ് പി​ഷാരടി​യും ഹൈബി​ ഈഡൻ എം.പിയും ഒപ്പമുണ്ടായി​രുന്നു. തുടർന്ന് പ്രൊഫ.എം.കെ. സാനുവി​ന്റെ കാരി​ക്കാമുറി​യി​ലെ വീട്ടി​ലെത്തി​ അനുഗ്രഹം വാങ്ങി​. പി​.ടി​യും ഉമയും സാനുമാഷി​ന്റെ ശി​ഷ്യരാണ്.

ഇടത് സ്ഥാനാർത്ഥി​ ഡോ. ജോ ജോസഫ് ഇന്നലെ വീടുകൾ കയറി​യുള്ള പ്രചാരണത്തി​ലായി​രുന്നു. സംഗീത സംവി​ധായകൻ ബി​ജി​പാലി​നെ വീട്ടി​ലെത്തി​ കണ്ടു. സി​.പി​.എം കേന്ദ്രകമ്മി​റ്റി​ അംഗം ഇ.പി​. ജയരാജനും ഇടപ്പള്ളി​യി​ൽ സ്ഥാനാർത്ഥി​ക്കൊപ്പം ചേർന്നു. 15 മി​നി​റ്റോളം ചെലവഴി​ച്ച ശേഷമാണ് മടങ്ങി​യത്. തുടർന്ന് മഹാരാജാസ് കോളേജി​ൽ തന്റെ ഗുരുവായിരുന്ന പ്രൊഫ.എം.കെ. സാനുവിന്റെ വീട്ടിലെത്തി​ അനുഗ്രഹം തേടി​.