കോലഞ്ചേരി: ഫാ. ഡേവിസ് ചിറമേൽ ചാരി​റ്റബിൾ ട്രസ്​റ്റും മലങ്കര ഓർത്തഡോക്‌സ് സഭ കണ്ടനാട് വെസ്​റ്റ് ഭദ്രാസനത്തിലെ മാർ പക്കോമിയോസ് ചാരി​റ്റബിൾ സൊസൈ​റ്റിയും സംയുക്തമായി കേരളത്തിലെ അഗതിമന്ദിരങ്ങളിൽ ഭക്ഷ്യവസ്തുക്കൾ നൽകുന്ന 'പ്രണാമം' പദ്ധതിക്ക് ഇന്ന് തുടക്കം കുറിക്കും. വൈകിട്ട് 6ന് കോലഞ്ചേരി കാതോലിക്കേ​റ്റ് സെന്ററിൽ 'വിശക്കുന്നവനെ തേടി വിശപ്പക​റ്റുന്നവന്റെ യാത്ര'യുടെ ഫ്‌ളാഗ് ഓഫ് ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ നിർവഹിക്കും. ഫാ. ഡേവിസ് ചിറമേൽ മുഖ്യസന്ദേശം നൽകും. മാർ പക്കോമിയോസ് ചാരി​റ്റബിൾ സൊസൈ​റ്റിയുടെ പതിനെട്ടാമത്തെ ജീവകാരുണ്യ പദ്ധതിയാണിത്. ഈ മേഖലയിൽ അമൂല്യമായ സംഭാവനകൾ നൽകുന്ന പ്രസ്ഥാനമാണ് ഫാ. ഡേവിസ് ചിറമേൽ ചാരി​റ്റബിൾട്രസ്​റ്റ്. സമൂഹത്തിൽ ദുരിതമനുഭവിക്കുന്ന കൂടുതൽ പേർക്ക് ഇരു പ്രസ്ഥാനങ്ങളും കൈകോർക്കുന്നതിലൂടെ പ്രയോജനം ലഭ്യമാക്കുകയാണ് ലക്ഷ്യം.