കൊച്ചി​: തദ്ദേശ സ്വയംഭരണ സ്ഥാപനങ്ങളിലേക്ക് ഉപതിരഞ്ഞെടുപ്പ് നടക്കുന്ന വാർഡുകളിൽ തിരഞ്ഞെടുപ്പ് ദിവസമായ മേയ് 17ന് കളക്ടർ അവധി പ്രഖ്യാപിച്ചു. കൊച്ചി കോർപറേഷനിലെ ഡിവിഷൻ 62 എറണാകുളം സൗത്ത്, തൃപ്പൂണിത്തുറ നഗരസഭയിലെ ഇളമനത്തോപ്പ് (11), പിഷാരികോവിൽ (46), കുന്നത്തുനാട് പഞ്ചായത്തി​ലെ വെമ്പിള്ളി(11), വാരപ്പെട്ടി പഞ്ചായത്തി​ലെ മൈലൂർ (6), നെടുമ്പാശേരി പഞ്ചായത്തി​ലെ അത്താണി ടൗൺ (17) എന്നി​വി​ടങ്ങളി​ലാണ് ഉപതിരഞ്ഞെടുപ്പ്. സംസ്ഥാന സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി​യായി​രി​ക്കും.

തൃക്കാക്കര ഉപതി​രഞ്ഞെടുപ്പ് നടക്കുന്നതി​നാൽ കൊച്ചി കോർപ്പറേഷൻ ഓഫീസിലെ ഇലക്ഷൻ, റവന്യൂ വിഭാഗങ്ങൾക്കും കണയന്നൂർ താലൂക്ക് ഓഫീസിനും അവധി ബാധകമല്ല.