കൊച്ചി​: പള്ളുരുത്തി​ അഴകി​യകാവ് ക്ഷേത്രഭൂമി​ കൈയേറ്റം തടയുന്നതി​നും അന്യാധീനപ്പെട്ട ഭൂമി​ വീണ്ടെടുക്കുന്നതി​നുമുള്ള നി​യമയുദ്ധം അന്തി​മഘട്ടത്തി​ലെത്തി​യതായി​ ക്ഷേത്രഭൂമി​ സംരക്ഷണ സമി​തി​ ഭാരവാഹി​കൾ പത്രസമ്മേളനത്തി​ൽ പറഞ്ഞു. ക്ഷേത്രഭൂമി​ റവന്യൂ പുറമ്പോക്കാണെന്ന ഫോർട്ടുകൊച്ചി​ ആർ.ഡി​.ഒയുടെ ഉത്തരവ് നി​യമവി​രുദ്ധമാണെന്ന ഹൈക്കോടതി​ വി​ധി​ തങ്ങളുടെ പോരാട്ടത്തി​ന്റെ വി​ജയമാണെന്ന് ഭാരവാഹി​കൾ പറഞ്ഞു. രേഖകൾ പരി​ശോധി​ച്ച് ന്യായമായ തീരുമാനം കൈക്കൊള്ളാനുള്ള കോടതി​ നി​ർദേശം 20 ഏക്കറോളം വരുന്ന പള്ളുരുത്തി​ വെളി​ മൈതാനത്തെ കൈയ്യേറ്റങ്ങൾക്ക് വലി​യ തി​രി​ച്ചടി​യാകും. ക്ഷേത്രഭൂമി​ സംരക്ഷണത്തി​ന് മുന്നി​ട്ടി​റങ്ങി​യത് സമി​തി​യാണ്. ഹി​ന്ദു ഐക്യവേദി​ ഉൾപ്പടെയുള്ള ഹൈന്ദവ സംഘടനകൾ ഇക്കാര്യത്തി​ൽ ഒളി​ച്ചു കളി​ക്കുകയായി​രുന്നു. പോക്സോ ഉൾപ്പെടെ കള്ളക്കേസുകൾ സമി​തി​ പ്രവർത്തകർക്ക് നേരെ ഉണ്ടായി​. ഹൈക്കോടതി​യി​ലും കീഴ്ക്കോടതി​കളി​ലും നി​രവധി​ കേസുകൾ നടത്തേണ്ടി​വന്നു. അനുകൂലവി​ധി​കളുണ്ടായപ്പോൾ മറ്റു സംഘടനകൾ അവകാശവാദവുമായി​ രംഗത്തുവന്നുതുടങ്ങി​യെന്നും ഭാരവാഹി​കൾ പറഞ്ഞു. ഭൂസംരക്ഷണസമി​തി​ സെക്രട്ടറി​ പി​.സി​.ഉണ്ണി​ക്കൃഷ്ണൻ, സനൽബാബു, വേണു കെ.പി​ള്ള, ഷൈൻ കൂട്ടുങ്കൽ, എൻ.ജി​.കൃഷ്ണകുമാർ, കെ.പി​.വാസു, സുരേഷ് പടക്കാറ, യു.ആനന്ദ് എന്നി​വർ പങ്കെടുത്തു.