വൈപ്പിൻ: മുനമ്പം എസ്.എൻ.ഡി.പി ശാഖായോഗം വക മുനമ്പം ഗുരുദേവ ക്ഷേത്രത്തിലെ പ്രതിഷ്ഠാദിന മഹോത്സവം 18,19,20 തീയതികളിൽ ആഘോഷിക്കും. ഇന്ന് വൈകിട്ട് 4.30ന് സാംസ്‌കാരിക സമ്മേളനം കെ.എൻ. ഉണ്ണിക്കൃഷ്ണൻ എം.എൽ.എ ഉദ്ഘാടനം ചെയ്യും. വൈപ്പിൻ യൂണിയൻ പ്രസിഡന്റ് ടി.ജി. വിജയൻ അദ്ധ്യക്ഷത വഹിക്കും. ആലുവ അദ്വൈതാശ്രമം സെക്രട്ടറി സ്വാമി ധർമ്മചൈതന്യ അനുഗ്രഹ പ്രഭാഷണം നടത്തും. യോഗം ഡയറക്ടർ ബോർഡ് അംഗം കെ.പി. ഗോപാലകൃഷ്ണൻ മുഖ്യപ്രഭാഷണം നടത്തും. യൂണിയൻ സെക്രട്ടറി ടി.ബി. ജോഷി വിദ്യാഭ്യാസ അവാർഡ് ദാനം നിർവഹിക്കും. നാളെ രാവിലെ 8ന് നാരായണീയ പാരായണം. 20ന് രാവിലെ 7ന് വിശേഷാൽ ഗുരുപൂജ, 8ന് ബ്രഹ്മകലശപൂജ, 9 ന് ബ്രഹ്മകലശാഭിഷേകം,11ന് പ്രസാദഊട്ട്, വൈകിട്ട് 4ന് താലഘോഷയാത്ര. മഹോത്സവത്തിനുള്ള ഒരുക്കങ്ങൾ പൂർത്തിയായതായി ശാഖാ പ്രസിഡന്റ് കെ.എൻ. മുരുകൻ, ശാഖാകമ്മിറ്റി അംഗം കെ.ആർ. പത്മനാഭൻ എന്നിവർ പത്രസമ്മേളനത്തിൽ അറിയിച്ചു.