മൂവാറ്റുപുഴ: പഠനം പാതിവഴിയിൽ മുടങ്ങിയവർക്ക് പൊലീസിന്റെ ഹോപ്പ് പദ്ധതിയിൽ രജിസ്റ്റർ ചെയ്യാൻ അവസരം. എസ്.എസ്.എൽ.സി, പ്ലസ് ടു യോഗ്യതകൾ സ്വന്തമാക്കാൻ താൽപര്യമുള്ളവർ അടുത്തുള്ള പൊലീസ് സ്റ്റേഷനുകളിലോ 9497900200 എന്ന നമ്പറിലോ ജൂൺ അഞ്ചിന് മുമ്പ് പേര് രജിസ്റ്റർ ചെയ്യണം. പഠനം പൂർത്തിയാക്കാൻ കഴിയാതെ പോയ 18 വയസ്സിനു താഴെയുള്ളവർക്ക് അതത് ജില്ലയിൽ വച്ചാണ് പരിശീലനം. വിദഗ്ധരായ അദ്ധ്യാപകരുടെ ക്ലാസുകളും മെന്ററിംഗ്, മോട്ടിവേഷൻ പരിശീലനങ്ങളും ഹോപ്പ് പദ്ധതി വഴി നൽകും. നിരവധി തൊഴിലധിഷ്ഠിത കോഴ്സുകൾ സ്വായത്തമാക്കുന്നതിന് കുട്ടികൾക്ക് അവസരം ലഭിക്കുന്നതാണ് .