കോതമംഗലം: ഇടമലയാർ - പാട്ടുപാറ എസ്.എൻ.ഡി.പി ശാഖയുടെ നേതൃത്വത്തിൽ പഠനോപകരണ വിതരണവും പഠന ക്ലാസും

നടത്തി. സമ്മേളനം യൂണിയൻ പ്രസിഡന്റ് അജി നാരായണൻ ഉദ്ഘാടനം ചെയ്തു. ശാഖാ പ്രസിഡന്റ് എം.എൻ. സാബു അദ്ധ്യക്ഷത വഹിച്ചു. യൂണിയൻ സെക്രട്ടറി പി.എ.സോമൻ പഠനോപകരണ വിതരണം ഉദ്ഘാടനം ചെയ്തു. ശാഖയുടെ കീഴിലെ മുഴുവൻ കുട്ടികൾക്കും പഠനോപകരണങ്ങൾ നൽകി. യോഗം ബോർഡ് അംഗം സജീവ് പാറയ്ക്കൽ, വനിതാ സംഘം യൂണിയൻ പ്രസിഡന്റ് ഇൻചാർജ് സതി ഉത്തമൻ,ശാഖാ സെക്രട്ടറി എൻ.കെ. ദിവാകരൻ, യൂത്ത് മൂവ്മെന്റ് പ്രസിഡന്റ് റിസ്സോ, വനിതാ സംഘം പ്രസിഡന്റ് മിനി സത്യൻ, സെക്രട്ടറി ആശ റിസ്സോ, കുമാരി സംഘം പ്രസിഡന്റ് അഞ്ജന സി. ലാലു, സെക്രട്ടറി മിത്ര മോഹൻ തുടങ്ങിയവർ പ്രസംഗിച്ചു.