കൊച്ചി: കേന്ദ്ര നൈപുണി വികസന മന്ത്രാലയത്തിന് കീഴിലുള്ള ജൻ ശിക്ഷൺ സംസ്ഥാൻ പദ്ധതിയുടെ സഹകരണത്തോടെ എറണാകുളം അങ്കമാലി അതിരൂപത വനിതാ സ്വയംസഹായ സംഘാംഗങ്ങൾക്കായി സംഘടിപ്പിച്ച ക്രാഫ്റ്റ് ബേക്കർ പരിശീലന പരിപാടി വിജയകരമായി പൂർത്തിയാക്കിയവർക്ക് സർട്ടിഫിക്കറ്റ് വിതരണം ചെയ്തു.

സമ്മേളനം ഉദയംപേരൂർ ഗ്രാമപഞ്ചായത്ത് പ്രസിഡന്റ് സാജിതാ മുരളി ഉദ്ഘാടനം ചെയ്തു. വികാരി ഫാ.മാത്യു മണവാളൻ അദ്ധ്യക്ഷത വഹിച്ചു. സഹൃദയ ഡയറക്ടർ ഫാ. ജോസ് കൊളുത്തുവെള്ളിൽ സർട്ടിഫിക്കറ്റുകൾ വിതരണം ചെയ്തു. ജൻ ശിക്ഷൺ സംസ്ഥാൻ ജില്ലാ ഡയറക്ടർ സി.ജി. മേരി ആമുഖ പ്രഭാഷണം നടത്തി. ഗ്രാമ പഞ്ചായത്ത് അംഗങ്ങളായ ആൽവിൻ, ബിനു ജോഷി, സഹൃദയ കോ-ഓർഡിനേറ്റർ ഷെൽഫി ജോസഫ്, ലിസി ജോർജ്, ഫാത്തിമാ ജാബിർ. മെർലി ജയിംസ് എന്നിവർ സംസാരിച്ചു. 2 മാസത്തെ പരിശീലനത്തിൽ 50 പേരാണ് പങ്കെടുത്തത്.