കൊച്ചി: എറണാകുളം- അങ്കമാലി അതിരൂപതയുടെ സാമൂഹ്യപ്രവർത്തന വിഭാഗമായ സഹൃദയ, വനിതാ സ്വയംസഹായ സംഘാംഗങ്ങൾക്കായി സംഘടിപ്പിച്ച ക്രാഫ്റ്റ് ബേക്കർ പരിശീലന പരിപാടി പൂർത്തിയാക്കിയവർക്ക് സർട്ടിഫിക്കറ്റുകൾ വിതരണം ചെയ്തു. കേന്ദ്ര നൈപുണി വികസന മന്ത്രാലയത്തിന് കീഴിലുള്ള ജൻ ശിക്ഷൺ സംസ്ഥാൻ പദ്ധതിയുടെ സഹകരണത്തോടെയാണ് പരിപാടി സംഘടിപ്പിച്ചത്. കണ്ടനാട് ഇൻഫന്റ് ജീസസ് പാരീഷ് ഹാളിൽ വികാരി ഫാ. മാത്യു മണവാളന്റെ അദ്ധ്യക്ഷതയിൽ ചേർന്ന സമ്മേളനം ഉദയം പേരൂർ ഗ്രാമപഞ്ചായത്ത് പ്രസിഡന്റ് സജിതാ മുരളി ഉദ്ഘാടനം ചെയ്തു. സഹൃദയ ഡയറക്ടർ ഫാ.ജോസ് കൊളുത്തുവെള്ളിൽ സർട്ടിഫിക്കറ്റുകൾ വിതരണം ചെയ്തു. ജൻ ശിക്ഷൺ സംസ്ഥാൻ ജില്ലാ സയറക്ടർ സി.ജി. മേരി ആമുഖപ്രഭാഷണം നടത്തി. ഗ്രാമപഞ്ചായത്തംഗങ്ങളായ ആൽവിൻ, ബിനു ജോഷി, സഹൃദയ കോ ഓർഡിനേറ്റർ ഷെൽഫി ജോസഫ് , ലിസി ജോർജ്, ഫാത്തിമാ ജാബിർ മെർലി ജയിംസ് എന്നിവർ സംസാരിച്ചു.