കോലഞ്ചേരി: കോലഞ്ചേരി ടൗണിലെ ഗതാഗത പരിഷ്‌ക്കരണം യാത്രക്കാരെ പെരുവഴിയിലാക്കി. നിലവിലെ ബസ് സ്​റ്റോപ്പുകൾ മാ​റ്റി സ്ഥാപിച്ചതോടെ മഴയും വെയിലും കൊള്ളാതെ കയറി നിൽക്കാൻ ഒരിടമില്ലാത്ത യാത്രക്കാർ വലയുകയാണ്. മൂവാ​റ്റുപുഴ ബസ് സ്​റ്റോപ്പ് നേരത്തെ നിലനിന്ന ഇടത്ത് നിന്ന് കുറച്ചുകൂടി മുന്നിലായി അന്ന തീയേ​റ്ററിന് മുൻഭാഗത്തായാണ് ക്രമീകരിച്ചിരിക്കുന്നത്. മെഡിക്കൽ കോളേജിലെ സ്​റ്റോപ്പാകട്ടെ ബാറിന്റെ മുൻഭാഗത്തും. ഇവിടെയെല്ലാം ആധുനിക രീതിയിൽ പണികഴിപ്പിച്ച വെയി​റ്റിംഗ് ഷെഡുകൾ ഉണ്ടെങ്കിലും പൊലീസ് അടച്ചുകെട്ടിയിരിക്കുകയാണ്. ബസ് സ്റ്റോപ്പുകൾ മാറ്റിയതോടെ പഴയ വെയി​റ്റിംഗ് ഷെഡുകൾ ദുരുപയോഗം ചെയ്യാതിരിക്കാനാണ് ഇത്തരമൊരു നടപടിയെന്നാണ് പൊലീസിന്റെ മറുപടി.