കോലഞ്ചേരി: യൂത്ത് കോൺഗ്രസ് ശ്രമദാനം സൗത്ത് മഴുവന്നൂർ എൽ.പി.ജി.എസിന് പുതു മോടിയേകി.മഴുവന്നൂർ മണ്ഡലം കമ്മിറ്റിയുടെ നേതൃത്വത്തിൽ സ്കൂൾ പെയിന്റ് ചെയ്തു.

നമുക്കൊരുക്കാം അവർ പഠിക്കട്ടെ പദ്ധതിയുടെ ഭാഗമായാണ് സ്‌കൂളിലെ പഴയ കെട്ടിടത്തിലെ ക്ലാസ്‌മുറികളും സ്​റ്റേജും പെയിന്റ് ചെയ്തത്. 100 വർഷത്തിലധികം പഴക്കമുള്ള സ്‌കൂളാണിത്. നവീകരണ പ്രവർത്തനങ്ങൾക്ക് പട്ടിമ​റ്റം ബ്ലോക്ക് കോൺഗ്രസ് വൈസ് പ്രസിഡന്റ് അരുൺ വാസു, യൂത്ത് കോൺഗ്രസ് മഴുവന്നൂർ മണ്ഡലം കമ്മി​റ്റി പ്രസിഡന്റ്‌ ബേസിൽ തങ്കച്ചൻ, ജെയിൻ മാത്യു, ജയ്‌സൽ പി. രാജു, കെ.എൻ ശിവൻ, ടി.പി. വർഗീസ്, ടി.എച്ച്. ആസിഫ് തുടങ്ങിയവർ നേതൃത്വം നൽകി. പദ്ധതിയുടെ ഭാഗമായി വലമ്പൂർ ഗവൺമെന്റ് യു. പി. സ്‌കൂളിലെ വിദ്യാർത്ഥികൾക്ക് പഠനോപകരണങ്ങൾ നൽകും.