പീരുമേട്: പതിനാലാമത് തേക്കടി പുഷ്പമേളക്ക് കൊടിയി റങ്ങി. ഒന്നരലക്ഷത്തിലധികം പേർ പുഷ്പമേള കാണാനെത്തിയതായി സംഘാടകർ അറിയിച്ചു. അറുപതിൽ പരം സ്റ്റാ ളുകളും അമ്യൂസ്‌മെന്റ് പാർക്കും ഉൾപ്പെട്ടതായിരുന്നു പുഷ്പമേള. സമാപന സമ്മേളനം ഡീൻ കുര്യാക്കോസ് എം.പി. ഉദ്ഘാടനം ചെയ്തു. വാഴൂർ സോമൻ എം.എൽ.എ അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ ജിജി കെ. ഫിലിപ്പ് മുഖ്യപ്രഭാഷണം നടത്തി. അഴുത ബ്ലോക്ക് പ്രസിഡന്റ് പി.എം. നൗഷാദ്, കുമളി പഞ്ചായത്ത് പ്രസിഡന്റ് ശാന്തി ഷാജി മോൻ, വണ്ടിപ്പെരിയാർ പഞ്ചായത്ത് പ്രസിഡന്റ് കെ.എം. ഉഷ, ചക്കുപ്പള്ളം പഞ്ചായത്ത് പ്രസിഡന്റ് റ്റി.കെ. രാമചന്ദ്രൻ എന്നിവർ സംസാരിച്ചു.

സംഘാടകരെ ആധരിച്ചു

പീരുമേട് : സീനിയർ ചേമ്പർ ഇന്റർനാഷണൽ തേക്കടി ലീജിയന്റെ നേതൃത്വത്തിൽ തേക്കടി പുഷ്പമേള സംഘാടകരെ മെമന്റോ നൽകി ആദരിച്ചു. മണ്ണാറത്തറ നഴ്‌സറി മാനേജിങ്ങ് ഡയറക്ടർമാരായ എം.ടി. ഷാജി. എം.ടി. റെജി, എം.ടി. പുഷ്‌ക്കരൻ, പുഷ്പമേള ജനറൽ കൺവീനറുംതേക്കടി ഹോൽട്ടികൾചർ സൊസൈറ്റി പ്രസിഡന്റ് മായ റ്റി.റ്റി.തോമസ് എന്നിവരെ സമാപന സമ്മേളത്തിൽ വാഴൂർ സോമൻ എം.എൽ.എ. ആദരിച്ചു.