കട്ടപ്പന : പുരയിടത്തിലെ പൊട്ടക്കിണറ്റിൽ കാട്ടുപന്നി കുഞ്ഞുങ്ങളെ കണ്ടെത്തി. നരിയംപാറ ഏഴിക്കുന്നേൽ ജോസിന്റെ പുരയിടത്തിലുള്ള കിണറ്റിലാണ് 12 കുഞ്ഞുങ്ങൾ അകപ്പെട്ടത്. ഇന്നലെ രാവിലെ പുരയിടത്തിൽ പുല്ല് അരിയാൻ എത്തിയവരാണ് കാട്ടുപന്നിക്കുഞ്ഞുങ്ങൾ കിണറ്റിൽ വീണ് കിടക്കുന്നത് കണ്ടത്. വീട്ടുകാർ വിവരമറിയിച്ചതിനെ തുടർന്ന് വനം വകുപ്പ് ഉദ്യോഗസ്ഥർ സ്ഥലത്തെത്തി ഇവയെ കൊന്ന് കുഴിച്ചുമൂടി.കൃഷിയിടത്തിൽ എത്തുന്ന കാട്ടുപന്നികളെ കൊല്ലാൻ അനുമതിയുള്ളതിനാലാണ് ഇവയെ കൊന്നത്. തുടർന്ന് മണ്ണെണ്ണ ഒഴിച്ച് ഇവയെ കുഴിച്ചുമൂടി.