നെടുങ്കണ്ടം: ദിവസേന ആയിരത്തിലേറെ പേർ ഉപയോഗിക്കുന്ന പുഴയിൽ തലമുടിയും ബാർബർ ഷോപ്പിലെ മറ്റ് മാലിന്യങ്ങളും തള്ളി. ഇരട്ടയാർ മേലെചിന്നാർ വെട്ടിക്കാമാറ്റത്തിന് സമീപത്തെ പുഴയിലാണ് മാലിനയം തള്ളിയത്. പ്രദേശവാസികൾ പഞ്ചായത്ത് ഭരണസമിതി അംഗങ്ങളെ അറിയിച്ചെങ്കിലും യാതൊരു നടപടിയും സ്വീകരിച്ചിട്ടില്ല. ഇതിന് മുമ്പും പ്രദേശത്ത് ധാരാളം മാലിന്യങ്ങൾ നിക്ഷേപിക്കുന്നത് പതിവാണെന്ന് നാട്ടുകാർ പറയുന്നു.