തൊടുപുഴ: ഇന്ന് മുതൽ 22 വരെ തിരുവനന്തപുരത്ത് നടക്കുന്ന ദേശിയ മാസ്റ്റേഴ്സ് ഹാൻഡ്ബോൾ ചാമ്പ്യൻഷിപ്പിൽ ജില്ലയിൽ നിന്ന് ബോബൻ ബാലകൃഷ്ണൻ, അഖിൽ വിനായക്, അനീഷ് വി എം, മുഹമ്മദ്‌ സുഹൈൽ എന്നിവർക്ക് സെലക്ഷൻ ലഭിച്ചു. ബോബൻ ബാലകൃഷ്ണൻ മുൻ എം ജി യൂണിവേഴ്‌സിറ്റി താരവും ജില്ലാ പൊലീസ്‌ സേനാംഗവുമാണ്. അഖിൽ വിനായക് എസ് മുൻ സംസ്ഥാന സ്കൂൾ താരവും ഇടുക്കി ജില്ലാ പൊലീസ്‌ സേനാംഗവുമാണ്. അനീഷ് വി എം ഈ വർഷത്തെ സംസ്ഥാന സീനിയർ ഹാന്റ് ബോൾ ടീം അംഗവും കൃഷി വകുപ്പിലെ താൽകാലിക ജീവനക്കാരനുമാണ്. മുഹമ്മദ്‌ സുഹൈൽ മുൻ സംസ്ഥാന താരവും ഇൻഫോ പാർക്ക് ജീവനക്കാരനുമാണ്.