ഇടുക്കി :ജില്ലാ ശിശുക്ഷേമ സമിതിയുടെ ആഭിമുഖ്യത്തിൽ കുമളിയിൽ ഹൈസ്‌കൂൾ, ഹയർസെക്കണ്ടറി വിദ്യാർത്ഥികൾക്കായി നടത്തുന്ന അവധിക്കാല ക്യാമ്പിന്റെ ഉദ്ഘാടനം ജില്ലാ കളക്ടർ ഷീബ ജോർജ് നിർവഹിച്ചു. കരിയർ ഗൈഡൻസ്, ഭാഷ പരിശീലനം, ആരോഗ്യ പരിരക്ഷ തുടങ്ങി വിപുലമായ പരിപാടികളോടെയാണ് ക്യാമ്പ് സംഘടിപ്പിച്ചിരിക്കുന്നത്. ഉദ്ഘാടന ചടങ്ങിൽ കുമളി ഗ്രാമപഞ്ചായത്ത് പ്രസിഡന്റ് ശാന്തി ഷാജിമോൻ അദ്ധ്യക്ഷത വഹിച്ചു.

യോഗത്തിൽ ശിശുക്ഷേമ സമിതി ജില്ലാ സെക്രട്ടറി കെആർ ജനാർദ്ദനൻ, കുമളി ഗവ സ്‌കൂൾ ഹെഡ്മിസ്ട്രസ് മല്ലിക, ശിശുക്ഷേമ സമിതി ജില്ലാ ട്രഷറർ കെ രാജു തുടങ്ങിയവർ സന്നിഹിതരായിരുന്നു.