പീരുമേട്: തോട്ടം തൊഴിലാളികളുടെ ശമ്പളം 700 രൂപയാക്കുക, അടഞ്ഞുകിടക്കുന്ന തേയില തോട്ടങ്ങൾ തുറക്കാനുള്ള നടപടി സ്വീകരിക്കുക,​ പ്ലാന്റേഷൻ നയം നടപ്പിലാക്കുക തുടങ്ങിയ ആവശ്യങ്ങളുന്നയിച്ച് ഹൈറേഞ്ച് എസ്റ്റേറ്റ് ലേബർ യൂണിയൻ (എ.ഐ.ടി.യു.സി)​ ലേബർ ആഫീസിലേക്ക് മാർച്ചും ധർണ്ണയും നടത്തി. വാഴൂർ സോമൻ എം.എൽ.എയുടെ അദ്ധ്യക്ഷതയിൽ ചേർന്ന മാർച്ച് എ.ഐ.ടി.യു.സി ജില്ലാ പ്രസിഡന്റ് പി. മുത്തു പാണ്ടി ഉദ്ഘാടനം ചെയ്തു. എം. ആന്റണി,​ എ. വാവച്ചൻ,​ എം. ചന്ദ്രൻ,​ പി.ആർ. ബാലകൃഷ്ണൻ,​ ആർ. വിനോദ്,​ കണയങ്കവയൽ ഗോപി എന്നിവർ സംസാരിച്ചു.