ഉപ്പുതറ: മേമാരിക്കുടി സമഗ്ര കോളനി വികസന പദ്ധതി 2022 ഉദ്ഘാടനവും പ്രത്യേക ഊരുകൂട്ട യോഗവും വാഴൂർ സോമൻ എംഎൽഎ. ഉദ്ഘാടനം ചെയ്തു. ആദിവാസി ക്ഷേമത്തിന് സമഗ്രമായ പദ്ധതികളാണ് സർക്കാർ നടപ്പാക്കുന്നത്. വനം നശിക്കാതെ വികസനപ്രവർത്തനങ്ങൾ നടപ്പിലാക്കണം. മികച്ച പദ്ധതികൾ നടപ്പിലാക്കണം. തേനീച്ച വളർത്തൽ, കൃഷി മുതലായ മേഖലകളിൽ മികച്ച പദ്ധതികൾ ആവിഷ്‌കരിക്കണം. സുസ്ഥിരമായ വികസനം ലക്ഷ്യമാക്കിയുള്ള പ്രവർത്തനങ്ങൾക്ക് ഏവരുടെയും പിന്തുണ വേണമെന്നും എംഎൽഎ പറഞ്ഞു. കട്ടപ്പന ബ്ലോക്ക് പഞ്ചായത്ത് പ്രസിഡന്റ് ജോസുകുട്ടി കണ്ണമുണ്ടയിൽ അദ്ധ്യക്ഷത വഹിച്ചു.
തൊഴിലുറപ്പിന്റെ തൊഴിൽകാർഡ് വിതരണം നടത്തി. ഊരുമൂപ്പൻ കുഞ്ഞൂഞ്ഞ് രാഘവനെ എംഎൽഎ പൊന്നാട അണിയിച്ച് ആദരിച്ചു.. ഉപ്പുതറ പഞ്ചായത്ത് പ്രസിഡന്റ് ജെയിംസ് കെ ജേക്കബ്, ജില്ലാ പഞ്ചായത്ത് സ്റ്റാന്റിംഗ് കമ്മറ്റി ചെയർപേഴ്‌സൺ ആശാ ആന്റണി, ബ്ലോക്ക് പഞ്ചായത്ത് വൈസ് പ്രസിഡന്റ് അന്നമ്മ ജോൺസൺ, ബ്ലോക്ക് പഞ്ചായത്ത് വികസന കാര്യ സ്റ്റാന്റിംഗ് കമ്മറ്റി ചെയർമാൻ സവിത ബിനു, ബ്ലോക്ക് ഡിവിഷൻ മെമ്പർ മനോജ് എംറ്റി, ബ്ലോക്ക് ഡിവിഷൻ മെമ്പർ വിപി ജോൺ, ഉപ്പുതറ പഞ്ചായത്ത് വൈസ് പ്രസിഡന്റ് സിനിമോൾ ജോസഫ്, ബിഡിഓ ധനേഷ് ബി, പട്ടിക വർഗ വികസന ഓഫിസർ സുനീഷ് പിവൈ, ഐടിഡിപി പ്രോജക്ട് ഓഫിസർ ശ്രീരേഖ കെഎസ് തുടങ്ങിയവർ പങ്കെടുത്തു.